अंकुर हेटौडा सम्पर्क समिति

• अन्कुर नेपालको परिचय 

गणतन्त्र कोरियामा विभिन्न पेशा तथा व्यवसायमा संलग्न रही नेपाल फर्किएपछि व्यवसाय सञ्चालन गरिरहेका नेपालीहरूद्वारा, श्रमिकहरूको हकहित संरक्षण तथा कोरियाबाट फर्किएका नेपालीहरूलाई व्यक्तिगत वा सामूहिक रूपमा उद्यमशीलताको मार्गमा प्रेरित गर्ने उद्देश्यले सन् २०१२ मा स्थापना गरिएको संस्था हो।
यस संस्थाको मुख्य उद्देश्य गणतन्त्र कोरियामा आर्जित सीप तथा आर्थिक स्रोतको प्रभावकारी व्यवस्थापन र लगानीमार्फत दीर्घकालीन आर्थिक स्थायित्व सुनिश्चित गर्नुका साथै स्वदेशमा रोजगारीको अवसर सिर्जना गर्न प्रेरित गर्नु हो। कोरियाबाट फर्किएका अधिकतम नेपालीहरूलाई एउटै छाता अन्तर्गत एकीकृत गरी मुलुकको औद्योगिक तथा सामाजिक रूपान्तरणमा योगदान पु¥याउने लक्ष्यका साथ स्थापना गरिएको यस संस्थाको केन्द्रीय कार्यालय काठमाडौंको बुद्धनगरमा अवस्थित छ।

• अंकुर नेपाल हेटौंडा सम्पर्क समितिको परिचय तथा सेवाहरू
  
  नमस्कार, सम्माननीय मित्रहरू एवं सहकर्मीहरू!
  अंकुर नेपाल, गणतन्त्र कोरियाबाट फर्किएका युवाहरूको साझा संगठन हो, जसको स्थापना सन् २०१२ मा कोरियन राजदूतावासको पहलमा, कोरिया रिटर्नीहरूको हकहित संरक्षण तथा समग्र उत्थानका लागि गरिएको हो। वर्तमानमा, अंकुर नेपालले प्रदेश नम्बर २ बाहेक अन्य सबै प्रदेशहरूमा प्रादेशिक शाखाहरू स्थापना गरिसकेको छ। साथै, जिल्ला तथा स्थानीय तहस्तरमा समेत विस्तार गर्दै बिभिन्न सम्पर्क कार्यालयहरू तथा समितिहरु सञ्चालनमा छन्।
  
  यसैक्रममा, २०७७ साल असोज २४ गते, माधव सापकोटाको संयोजकत्वमा हेटौंडामा पनि अंकुर नेपाल सम्पर्क समिति गठन भएको छ। गठनपछि समितिले ११ सदस्यीय तदर्थ कार्यसमिति चयन गरेको छ, जसमा किशोर डंगोल अध्यक्ष तथा कृष्ण ढुंगाना उपाध्यक्ष पदमा निर्वाचित हुनुभएको छ।
  
  हेटौंडा निवासी कोरिया रिटर्नीहरूलाई हाम्रो अनुरोध
  
  यदि तपाईं हेटौंडा निवासी हुनुहुन्छ र दक्षिण कोरियामा कार्यकाल सम्पन्न गरी स्वदेश फर्किनुभएको छ भने, हामी तपाईंलाई अंकुर नेपालको संजालमा जोडिन आग्रह गर्दछौं।
  
  अंकुर नेपाल  कोरियन राजदूतावास, KOICA नेपाल, EPS कार्यालय, HRD-KOREA, तथा श्रम तथा रोजगार मन्त्रालय लगायतका निकायहरू र  संस्थाहरूसँग मिलेर कोरिया रिटर्नीहरूको हकहितका विषयमा पहल गर्दछौं। साथै, राज्यबाट प्रदान गरिने सेवा–सुविधाहरूको सहज उपलब्धता सुनिश्चित गर्न, आवश्यक परामर्श प्रदान गर्न, तालिम तथा विज्ञ सेवाहरू उपलब्ध गराउन र स्वरोजगार तथा व्यवसाय प्रवर्द्धनमा सहयोग र सहजीकरण गर्न प्रतिबद्ध छौं।
  
  हामीले  प्रदान गर्ने सेवाहरू
  ✅ कोरिया रिटर्नीहरूका हकहितका लागि सहजीकरण
  ✅ राज्य तथा सम्बन्धित निकायहरूसँग समन्वय गरी सेवा–सुविधा प्राप्त गर्न सहयोग
  ✅ स्वरोजगार, व्यवसाय प्रवर्द्धन तथा परामर्श सेवा उपलब्ध गराउने
  ✅ कोरियन सरकार तथा संस्थाहरूबाट प्रदान गरिने तालिम, गोष्ठी, तथा अवसरहरूको जानकारी एवं सिफारिस
  ✅ नेपालमा कोरियन कम्पनीहरू आएमा, त्यहाँ रोजगारीका अवसरहरू सिर्जना गर्न सहजीकरण
  ✅ सदस्यहरूलाई डिजिटल प्रविधिमार्फत सूचना, सेवा, तथा अवसरहरू पारदर्शी रूपमा उपलब्ध गराउने
  ✅ कोरिया रिटर्नीहरूलाई विभिन्न परामर्श सेवा 
  ✅ हेटौडा वरपर रहेका विभिन्न पर्यटक क्षेत्रहरुको प्रचार प्रसार तथा प्रवर्द्धन
  ✅ कोरिया रिटर्नीहरूका लागि चाहिने सबै प्रकारको सुचना जानकारीहरु एकत्रित गरेर राख्ने 
  ✅ सदस्यमार्फत आएको सुझाव सल्लाह अनुसार लक्ष्य निर्धारण गर्दै जाने र संस्थागत लक्ष्य हासिल गर्ने 
  
  
  हामी समान अवसर, पारदर्शिता र गुणस्तरीय सेवाको प्रत्याभूति दिलाउन प्रतिबद्ध छौं। कुनै पनि भेदभाव वा सिफारिसको आवश्यकता बिना, सबै सदस्यहरूले समान सेवा पाउनुहुनेछ।
  
  हाम्रो संजालमा आजै जोडिनुहोस्!
  हामी सबै मिलेर कोरिया रिटर्नीहरूलाई संगठित गर्दै, आर्थिक, सामाजिक, तथा व्यावसायिक रूपमा आत्मनिर्भर बन्न अग्रसर बनाऔं! 🙏